منتديات شامله تهتم بجميع امور الشباب
 
الرئيسيةمكتبة الصورالتسجيلدخول

شاطر | 
 

 قرشين زيادة..فى مصر المحروسة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
على جلال كاشف
(مشرف منتدى الشعر والخواطر)


عدد الرسائل : 4
العمر : 34
الموقع : مصر
تاريخ التسجيل : 17/05/2008

مُساهمةموضوع: قرشين زيادة..فى مصر المحروسة   الأحد مايو 25, 2008 12:04 am

بسم الله الرحمن الرحيم
العالم كلة يتكلم الأن بلغة الصدق ونحن مازلنا نمارس سياسة القط والفأر فماقدمتة العلاوة باليمين أخذتة الحكومة بالشمال.
فيها أية
فيها أية قرشين زيادة
قصدى لو جنيهين زيادة
يووووة... قصدى لو عشرين جنية
هية فارقة معانا حاجة
وألا أحنا نبقى حاجة
علشان نقول اللى أحنا معترضين علية.
أيوة فارقة
أيوة هاأتكلم وأقول
أنة مش فرض القبول
وأنا لية أعتراض
أيوة فارقة
أيوة هاأتكلم بحق
والكلام يطلع بصدق
مش خيال أو أفتراض.
مصر فيها كتير غلابة
وأحنا لوعايشين فى غابة
كان هايحمينا الأسد
مش يسيبنا للديابة
مصر فيها ناس وناس
ناس معاها وناس عليها الفقر داس
وأحنا عايزين لقمة حلوة
مش مناجم فيها ماس.
النهاردة سولار بيغلى
والحديد كان قبلة أغلى
خوفى يجى يوم علينا
والهوا فى بلادنا يغلى
خوفى ليعبوة فى كيس
خوفى ع الشعب التعيس
خوفى لا اللى معاة يعيش
والفقير يموت فطيس.
صدقونى أنا نفسى أعيش
بس فين العيش مافيش
مش باأقول اللحمة فين
أصلها ماتهمنيش
مش هاأموت فى البعد عنها
الدكاترة حذرونى وقالوا تاكل حتة واحدة بس منها
قولت فين الحتة قالو ماتلاقيش
مش مشكلة مايهمنيش
دا أنا نفسى بس والله اعيش
نفسى أقوم الصبح أشوف مصر الحضارة
نفسى أحس بجد أننا نملك أدارة
مش بنتكلم وبس
كتر الكلام ماهوش شطارة.
وفيها أية قرشين زيادة
فيها اية على الغلابة
فيها أية ياشعب طيب
ياللى عايش جوا غابة
فيها أية لو يوم أسدنا
حطنا ف وش الديابة
وفيها أية قرشين زيادة
على جلال كاشف
ali_haiatee@yahoo.com
نشرت فى المصرى اليوم فى باب السكوت ممنوع بتاريخ 13/5/2008
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشاعر
( المشرف العام )
( المشرف العام )


عدد الرسائل : 126
الموقع : مصر
تاريخ التسجيل : 29/03/2008

مُساهمةموضوع: رد: قرشين زيادة..فى مصر المحروسة   الإثنين مايو 26, 2008 9:45 am

ايه الجمال ده يا دكتور على
حقيقى الله ينور عليك داخل علينا المنتدى كده
وايدك مليانه امال لما تقعد شهر هنعمل ايه
اكيد هيتشمع المنتدى باشعار الجميله دى
هههههههههههههههههههههههههههههههه
وحياة ابوك يا شيخ بلاش لعبة الكراسى هنا
الناس اللى معانا فى المنتدى طبعا مش عارفين
هى ايه بس بلاش منها واللى عايز يسمعها
ابعتهالوا ع الخاص
هههههههههههههههههههههههههههههههههه تسلم ايدك يا دكتور
واكيد عندك اكتر من كده بكتيرررررررررررررر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sana.yoo7.com
mido_scream3
مراقب
مشرف المنتدى الاسلامى


عدد الرسائل : 68
العمر : 29
الموقع : my world
تاريخ التسجيل : 21/05/2008

مُساهمةموضوع: رد: قرشين زيادة..فى مصر المحروسة   الجمعة مايو 30, 2008 8:55 pm

تسلم إيدك يا دكتور

وليه القلق ده كله يا حمادة ماتقلقش هانضرب مكانك

ههههههههههههههه

تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قرشين زيادة..فى مصر المحروسة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سنا للشباب :: منتدى ضحكة من القلب-
انتقل الى: